Les Noticies.com. Diariu dixital. 04-09-2010
Xuventú Asturianista pregúntase pola «utilidá» de la Conceyalía de Cultura Tradicional y Llingua Asturiana de Xixón
Fecha: 28/01/2010 a les 08:00:00La gala Xixón fala n'asturianu, que cada añu entama la Conceyalía de Cultura Tradicional y Llingua Asturiana del Conceyu de Xixón, foi criticada por Xuventú Asturianista, qu'interpreta que, con esti eventu, «intenten vendenos lo muncho que fai pol asturianu'l Conceyu gobernáu pol PSOE y IX-Bloque-Los Verdes». La organización pregúntase «qué faen nesta Conceyalía y qué utilidá tien si nun s'usa la toponimia oficial nel propiu Consistoriu, si nun hai un usu real de la llingua asturiana nel Conceyu, nin nes webs arreyaes».
A estes considerances, Xuventú Asturianista amiesta'l fechu de qu'hai un mes «un ciudadanu foi menospreciáu y humilláu por usar l'asturianu nun trámite del Conceyu, vulnerando la Ordenanza Municipal d'Usu del Asturianu aprobada por ellos mesmos».
Al empar, el colectivu fala de «la hipocresía y la poca vergüenza» del Conceyu, y n'especial les crítiques centráronse n'Izquierda Xunida «con Jesús Montes Estrada a la cabeza, los que pidieron la oficialidá nel Estatutu, los que dicen defender la llingua asturiana».
Nesti sen, Xuventú Asturianista pidió la dimisión de Montes Estrada, conceyal de Cultura Tradicional y Llingua Asturiana, y animó a la ciudadanía «a manifestase contra esti tipu d'actos que namás valen pa xustificar la paupérrima política llingüística que lleven alantre».
Comentarios fechos (2)
XTaranes Fecha: 29/01/2010 a les 13:17:14
nun ye por ser abogáu del diañu pero en Ponga...
na páxina de "El Comercio" [2009] (La capital del concejo de Ponga acogió ayer sus primeras jornadas sobre costumbres y creencias populares): http://www.elcomerciodigital.com/gijon/20090426/oriente/leyendas-astures-20090426.html
nel númberu 3 de "L'Asturianista" na páxina 7 (L'Ayuntamientu de Ponga sofita la cultura asturiana): http://www.asturianista.as/contenidos/LAsturianista_3.pdf
amás nel conceyu de Ponga nos cartelos na mayoría de les parroquies la toponimia podrás vela billingüe. exemplu: Sellaño/Sellañu, Los Lladeros... anque entá tienen munches coses por facer en Ponga, como n'Asturies. Nun sé si ye oficial xurídicamente como na praxis de los cartelos de carretera.
un saludu candial.
Miguel Anxel Fecha: 28/01/2010 a les 18:14:21
¿ Qué política llingüística llévase nos conceyos de Ponga y Villaviciosa? Ellí gobiernen PAS-URAS. Ye mui fácil criticar lo que faen, o no faen, los demás y nun ver les miseries que tien ún en casa. Churruca, siendo de IX tá faciendo pola llingua y la cultura asturiana más que la mayoría de los conceyales y alcaldes del PAS-URAS n'Asturies. Amplío la crítica a los de Asturianistes por Nava que tampoco faen ná ( fasta llegaron a criticar al alcalde (PSOE) por nun poner en castellano un cartelo, cuándo la fiesta la sidra) .
Ésto ye una verdá incómoda
26/08/2010 - La Xunta denuncia que RTPA niega informes a la Procuradora Xeneral
25/08/2010 - Multiplícase por siete l’usu d’Ubuntu n’asturianu nun añu
05/08/2010 - La versión en papel de LES NOTICIES ufierta col últimu númberu la segunda separata de Brixel
26/08/2010 - UNA diz que l'aprobación de la comunidá Ubuntu-ast amuesa'l futuru de la llingua
02/09/2010 - El SFA entama un congresu sobre ciencia, llingua y fronteres
RSS Lesnoticies.com
Apúntate en Facebook
Semeyes en Flickr
