Llingua

Xuristes pol Asturianu respalda la denuncia de Fai! por discriminación llingüística en Llanera

14/02/2010 a les 11:06:29

La organización Fai! púnxose en contactu col Aconceyamientu de Xuristes pol Asturianu (AXA) pa denunciar el casu de discriminación llingüística que sufrió nel conceyu de Llanera. Esti colectivu pidió per escrito'l 25 de xineru usar una sala de la Casa Cultura pa una actividá prevista pa esti sábadu 13 de febreru. Sicasí, la conceyala de Cultura y Muyer, Belén Rodríguez López, contestó a la organización qu'había presentar l'escritu en castellanu. AXA calificia esta esixencia d'«actu cerriscu» y «intolerable nun cargu públicu d'una alministración democrática».

Al empar, AXA recuerda al Conceyu qu'ha respetar los derechos de la ciudadanía de nun ser discriminada por razón de la llingua, a emplear la llingua propia na vida pública del so territoriu, a dirixise n'asturianu a l'Alministración que recueye la Llei d'Usu y a recibir un tratu respetuosu de les autoridaes y el funcionariáu.

Amás, AXA pide al alcalde de Llanera qu'«ordene'l tramite», que resuelva la demanda de Fai! y que retire la delegación de competencies «a quien nun sabe facer un empléu axustáu a derechu, tolerante y democráticu» d'eses competencies.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam