Les Noticies.com. Diariu dixital. 04-02-2012
La XDLA y Xunta Moza convoquen el concursu lliterariu «Declara'l to amor pola llingua»
08/02/2010 a les 13:05:00La Xunta pola Defensa de la Llingua Asturiana (XDLA) y la Xunta Moza convoquen el concursu lliterariu Declara'l to amor pola llingua, un certame nel que'l trabayu gallardonáu pue ser imaxe de campañes de senbilización o reivindicación de dambes dos organizaciones.
La estensión máxima de los testos, escritos n'asturianu, ha ser de 160 caracteres. El tema de les obres ye'l que da títulu al certame y han ser inédites, que nun se premiaren n'otros concursos y que nun tengan nengún compromisu d'edición. El plazu pa presentar los trabayos termina'l 13 de febreru a les 20 hores. Los orixinales pueden echase nun buzón instaláu en La Casa Posafuelles, na Cuesta la Vega 12, d'Uviéu, o per corréu electrónicu a la dirección de Xunta Moza: amorpolallingua@gmail.com.
El xuráu va tar formáu por una comisión de militantes de Xunta Moza que va escoyer les diez meyores obres y éstes van esponese en La Casa Posafuelles ente los díes catorce, coincidiendo con San Valentín, y diecinueve, fecha na que la organización festexa'l Día Internacional de la Llingua Materna. Ellí van ser los veceros y les veceres quien voten la obra ganadora ente los díes catorce y diecinueve (dambos dos incluyíos). Al empar, la Xunta Moza anuncia que se reserva’l derechu d’esparder la votación popular per otros medios.
La obra premiada va lleese públicamente nun actu cultural que se va facer en La Casa Posafuelles, el día venti a les doce de la nueche. Otra manera, les obres presentaes van pasar a ser propiedá de la XDLA y la Xunta Moza.
23/01/2012 - La Vuelta a España comprométese a usar la toponimia oficial asturiana
16/01/2012 - Vallaure: «L'axuste en Política Llingüística va compensase cola voluntá política»
19/01/2012 - Llamazares va usar l'asturianu nel Congresu pa pidir el reconocimientu de la Especialidá
24/01/2012 - Los medios de comunicación d'Asturies inoren la toponimia oficial
17/01/2012 - Cuatro servicios de normalización llingüística ciarren al empezar l'añu
Esta web cuenta con una subvención de la Conseyería de Cultura y Deporte del Principáu d'Asturies
© Selmanariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
