Les Noticies.com. Diariu dixital. 17-05-2012
La Vuelta a España comprométese a usar la toponimia oficial asturiana
REDACCIÓN. UVIÉU - 23/01/2012 A LES 13:57:33Depués de la denuncia de la Xunta pola Defensa de la Llingua y la intervención de la Dirección Xeneral de Política Llingüística, la organización de la Vuelta Ciclista a España anunció que va utilizar la toponimia oficial d'Asturies nel so percorríu pel país.
Según el Gobiernu, la Dirección Xeneral de Política Llingüística púnxose en contactu cola dirección del eventu deportivu pa qu'use les denominaciones oficiales, «tal y como s'establez nos correspondientes Decretos d'oficialización toponímica y nel Mapa Topográficu Oficial d'Asturies, editáu nel 2010».
La Dirección Xeneral ufrió la so total disposición p'asesorar a Unipublic, la entidá qu'entama la Vuelta Ciclista, na utilización correcta y visibilización de los nomes oficiales de les localidaes y sitios pelos que trescurran les etapes asturianes. La collaboración, bien recibida pola dirección de la Vuelta, quier facese estensiva a ésta y a les socesives ediciones.
Comentarios fechos (5)
ANA NORNIELLA 27/01/2012 a les 09:27:15
GUSTAME MUNCHO ESCRIBILO NEL LLINGUAXE NOSU.PUXA ASTURIES
Cuitunigru 23/01/2012 a les 23:00:13
Pueo imaxiname a los periodistes de la TPA diciendo Cuitunigru pero lo que seguro que nun va pasar (y si digo enxamás tengo mieu nun m'equivocar tampoco) ye velo escrito en "La Nueva España", el más neciu defensor de la vieya toponimia deturpada, la única verdadera pa ellos. ¿Fadrán desta "El Comercio" y "La Voz de Asturias" el mesmu papelón"? Diba dar yá risa que tolos medios escribieren o dixeren les formes oficiales menos la prensa del país. Verémoslo.
fred 23/01/2012 a les 20:56:14
Nun sedría paradóxicu, cenciellamente lo que fadría ye ubicar xustuamente onde tenemos la metástasis.
Nuberu 23/01/2012 a les 19:48:46
Seria paradoxico que dende la organizacion de la Vuelta utilizasen los nomes n´asturianu mentantu los informativos de la TPA siguen faciendolu castellanizau.Tomaran nota dende la TPA????.
Andrés 23/01/2012 a les 15:40:31
Bravo!
Lesnoticies.com - La Vuelta a España comprométese a usar la toponimia oficial asturiana
Estación de Valgrande-Payares
15/05/2012 - El Festival Internacional de Cine dexa d'usar la forma «Xixón» nel logotipu
26/04/2012 - La Vuelta Ciclista a Asturies va usar la toponimia oficial
30/04/2012 - «Tenemos el retu de convencer a la sociedá de que l'asturianu paga la pena»
03/05/2012 - La XDLA llama a manifestase esti vienres 4 de mayu, Día de les Lletres Asturianes
19/04/2012 - La XDLLA convoca pal 4 de mayu la manifestación pola oficialidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
