Sociedá

El Vinu de la Tierra de Cangas trunfa ente’l públicu de la Feria de Muestres

19/08/2010 a les 13:10:19

El Tendayu del Muséu del Pueblu d’Asturies acoyó los díes 15 y 16 d’agostu una serie d’actos promocionales del «Vinu de la Tierra de Cangas. Vinu d’Asturies» que resultaron un éxitu de participación. Munchos de los visitantes que s’averaron a la Feria Internacional de Muestres d’Asturies (FIDMA) nun dexaron pasar la oportunidá de conocer de primer mano esti productu que dica poco va algamar la Denominación d’Orixe Protexida, y tomaron parte nes actividaes entamaes pola Fundación Asturies XXI, ente les que destacaron les «tasties guiaes».

D’esta forma, los presentes pudieron probar les escelencies d’esta bebida tradicional del suroccidente asturianu y beber el vinu en cachu, un concu de madera que se llena de vinu y se comparte, apurriéndolu de mano en mano. Pa ello, la organización contó cola collaboración de les Bodegues de Pesgos y Monesteriu de Courias, qu’ofrecieron el so productu escelente a los presentes, y d’un cunqueiru qu’ellaboró los tradicionales cachos en directu.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam