Llingua

La versión en papel de LES NOTICIES ufierta col últimu númberu la segunda separata de Brixel

05/08/2010 a les 19:34:38

La revista mensual Brixel, dirixía por Xuan Bello y que ta integrada nes páxines centrales de LES NOTICIES, pesca al vuelu poesía y rellatos. Nesti númberu nuevu de xunetu –l'unu, porque'l primeru foi'l ceru– falamos con Gemma Gorga, poeta catalana de lo más interesante, con versos intimistes y detallistes que suenen igual de bien en catalán que n'asturianu.

El mesmu Xuan Bello describe un requexu onde fai retiru espiritual, el Cabo de Gata, n'Almería. En Versión de Versiones, se recueyen diez poemes del griegu Constantino Kavafis –una de les figures lliteraries más importantes del sieglu XX–que Xosé Gago sigui tornando. Vanessa Gutiérrez recomienda un llibru de la poeta finlandesa Marta Tikkanen y Beatriz R. Viado unu de la africana Chimamanda Ngozi.

José Luís Piquero fala de la lliteratura internéutica y José Luís Argüelles reflexona sobre'l conceptu de la lliteratura de la infelicidá. Pablo Texón ufierta un rellatu cuntando'l día que «Marcel Proust apaecío nel Monte Alende». Y Martín López Vega sutripa y trata de desplicar el conceptu de duración del alemán Peter Handke.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam