Les Noticies.com. Diariu dixital. 17-05-2012
La versión 3.6.9 de Firefox yá ta n'asturianu
10/09/2010 a les 11:51:47Mozilla acaba de publicar el navegador web Firefox n'asturianu. La versión 3.6.9 yá ta disponible de baldre pa cualquier sistema operativu dende la páxina web oficial http://mozilla.com/ast.
Mozilla ye una organización ensin ánimu de lucru que foi una revolución al promover l'apertura, la innovación y la oportunidá n'Internet. El so proyectu más relevante ye Firefox, «famosu por ser software llibre, cenciellu, rápidu, seguru, el más usáu n'Europa y qu'acumula más de mil millones de descargues en más de 70 llingües en tol mundu», apunten dende Softastur.
Na so versión n'asturianu, Firefox inclúi preinstalaos los motores de busca pal diccionariu de l'Academia de la Llingua Asturiana, la Uiquipedia asturiana, Ebay, Yahoo y Google. La traducción y implementación d'esos motores ye un trabayu fechu por Softastur pa Mozilla, a lo llargo de más d'un añu.
Noticies rellacionaes
Comentarios fechos (62)
paz collacios 28/09/2010 a les 00:16:12
1. Yo nun tengo nada que ver con tolos que tais aldericando embaxo.
2. Yo nun veo atopo insultu dalu nos comentarios.
3. Cada usuariu tien el drechu d'opinar.
4. Los autores del software deberíen valorar lo que se-yos diz. Escuchalo, tastialo, camentalo y actuar.
5. Los usuarios que se vean errores o con capacidá de meyorar el bon trabayu de Softastur deberíen axudar. Pa eso-y ufiertaron la Guinness.
6. Tocántenes a la frase yo tampoco sé mui bien lo que quier dicir.
7. Tocántenes a otros términos (restolador, guetador, etc) ellos tienen la "obligación" de da-yos un nuevu sentíu a les pallabres. Son los profesionales. Nós los usuarios.
8. Que fallen a la hora de plasmar dellos términos? Nun hai naide perfeutu. Nesti casu ye bien cenciello reutificar. Nun llibru yá ta impreso y l'erru queda con ello.
9. Paz ente los asturianos, que somos pocos y engarraos. Asina mos va. Ai si deprendiéramos d'otres naciones.
10. Gracies a Softastur pol so trabayu.
akrazio bartolome 27/09/2010 a les 23:52:56
el firefox en bable nun me gusta na
yo nun se en que tais pensando pero con esa manera de escribir perdeis la relacion cola llingua del pueblu
que ye que nun vos interesa o quereis ser unos nuevos señoritos que deciden como tien que ser la fala de la xente¿?
yo pa repetir elitismos y privilegios culturales nun quiero saber na de tu esi tinglao
LLINGUA POPULAR LLINGUA OFICIAL!!!!!!!!!!!!!!!!!!!!!!!!!
ei ei ei 27/09/2010 a les 14:12:12
Nun veo insultos per nenyuri, siéntolo muncho.
Yo nun tengo obligación de comportame según los patrones de lo políticamente correcto, y amás gústame más la mayéutica clásica, mesmamente anque produza algo de trauma nos espíritos más sensibles, que l'asertividá chupiguái y percorrecta de los pedagogós de pensamientu floxo.
Y a toes estes, tu, que tas tan en fiel de la balanza, ¿qué opines de RESCAMPLAR TOO AL GUETAR, ho? Venga, que me pongo asertivu y mantellón. Ye qu'a eso nun respondéis y toi considerando empezar a valorar la posibilidá d'atreveme a pensar que quiciabes pudiera ser que nun hubiera xustificación presentable nenguna. Si tal, puedes consultar a esos que tu cres que yo creo que tán detrás de los softasturianos y de ti, a ver qué dictaminen. La verdá ye que debe ser triste tener que tragar esos sapos d'a arroba a estes altures de la película, ¿ein? Ciertamente, fe ye creyer no que nun se ve. Tu sí que tienes el cielo ganáu.
Censura 26/09/2010 a les 16:36:17
Y agora parez que Les Noticies censura dalgunos comentarios. Qué mal güele esto.
flipando 25/09/2010 a les 08:02:18
Estos rapazos de Softastur lo que tienen ye una paciencia infinita, siguir discutiendo con un elementu como tu fai ver tenía que cunta-yos como méritu pal títulu de bones persones. Resulta que tu, dende l'anonimatu pues insultalos y echar per tierra tol trabayu que faen namás porque nun te gusten dalgunes frases y agora apeles a la llibertá d'espresión y toa esa pallabrería demagóxica que traes contigo. O sea que tu tienes la llibertá d'insultalos y ellos la obligación d'escuchate... Y agora vas de críticu constructivu, pues pa ser constructivu lo primero ye ser asertivu y tu nun lo yes quizá porque nun sabes lo que ye (mala cosa) o porque nun quieres (peor). Yá te convidaron a reunite pa falar del tema pero tu pases y sigues insultando porque lo único que quies ye atacar a otros que crees tán detrás d'ellos y namás piensen en vós. Creese'l centru'l mundu ye daqué que la mayoría de los humanos superen al pasar la infancia, vese que tu non. Hala, a siguir cobrando sovenciones.
Lesnoticies.com - La versión 3.6.9 de Firefox yá ta n'asturianu
15/05/2012 - El Festival Internacional de Cine dexa d'usar la forma «Xixón» nel logotipu
26/04/2012 - La Vuelta Ciclista a Asturies va usar la toponimia oficial
30/04/2012 - «Tenemos el retu de convencer a la sociedá de que l'asturianu paga la pena»
03/05/2012 - La XDLA llama a manifestase esti vienres 4 de mayu, Día de les Lletres Asturianes
19/04/2012 - La XDLLA convoca pal 4 de mayu la manifestación pola oficialidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
