Votos: 1

• 1
• 2
• 3
• 4
• 5

Verdasca publica'l so primer discu

Verdasca, una de les formaciones más moces de la escena folk asturiana, yá tien nel mercáu’l so primer discu, de títulu D’abéu; nél muéstrase l’estilu acústicu y llimpiu característicu d’esta banda, que sigue los cánones del folk más practicáu na escena del país. Tamién nel repertoriu siguen el clasicismu de les formes imperantes ente les agrupaciones folk asturianes, a base de sets de melodíes tradicionales, anque ensin escaecer la composición propia.

Verdasca surde en xineru del 2006 de la xuntura d’un grupu de músicos mozos procedentes de la Escuela Municipal de Música de Llanera y la Banda de Gaites La Raitana. Basen el repertoriu na reellaboración de música tradicional asturiana y composiciones propies del grupu. La so propuesta ye acústica dafechu y basen la instrumentación nel usu d’instrumentos tradicionales asturianos como la gaita, l’acordión diatónica, el violín o les percusiones tradicionales, amás d’otros instrumentos como la guitarra acústica o les percusiones llatines. Una de les principales característiques del grupu ye la mocedá de los sos componentes, que tienen ente 16 y 21 años.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam