Asturies

Vecinos de Chanos esixen l’arreglu de la carretera d’accesu al llugar

30/08/2010 a les 11:20:28

El sábadu 28 de setiembre, los vecinos del llugar de Chanos (L.lena) concentráronse pa esixir l’arreglu d’un argayu na carretera d’accesu al pueblu. Al empar, anuncien cortes de carretera n'El Puerto Payares pa la selmana que vien, coincidiendo cola fiesta minera de Rudermu.

Según señalaron, la carretera lleva asina dende’l mes de xunu, por mor d’un argayu provocáu pol temporal d'agua que cayó n’Asturies. Los habitantes del llugar cuenten col apoyu del Conceyu de L.lena, que yá solicitó al Principáu qu'arreglaren la carretera.

Los vecinos afirmen qu’anguaño nun pueden xubir al sitiu vehículos pesaos, como’l camión del butanu, les ambulancies o los bomberos. Asina, espliquen que cuando llegue l’iviernu, de nun arreglar el Principáu la carretera, va llegar la nieve y van quedar incomunicaos.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam