Les Noticies.com. Diariu dixital. 17-05-2012
El Valedor pide la retirada d'un llibru que recueye que'l gallegu ye la llingua propia de Galicia
DAMIÁN BARREIRO . UVIÉU - 13/12/2011 A LES 12:05:32Benigno López González, el Valedor do Pobo –defensor del pueblu gallegu–, instó a que la Xunta de Galicia retire un llibru de testu de quintu de primaria de Conocimientu del Mediu porque recueye que la llingua propia de la comunidá ye'l gallegu y nun se fala de que'l castellanu ye tamién oficial. La quexa vieno del coordinador d'UPyD de Vigo, Pedro Larrauri, y, según el Valedor, la información recoyida nel llibru ye inexacta y incompleta «y polo tanto falsa».
Les reacciones nun tardaron. Asina, el BNG pidió la dimisión del Valedor y esixó a la Conseyería d'Educación que nun faiga efectiva la midida, «porque l'únicu delitu ye qu'afirma lo evidente: el gallegu ye l'idioma propiu de Galicia». Otra manera, la Mesa pola Normalización Lingüística pidió esplicaciones inmediates al Valedor y afirmó que, de ser verdá les afirmaciones, van pidir a les tres fuercies representaes nel Parllamentu gallegu la dimisión de Benigno López, «que nun ye'l valedor del pueblu, sinón del PP».
Dende l'Asociacion d'Escritores en Lingua Galega tamién se pidió la dimisión, lo mesmo que dende Prolingua. Sicasí, Jesús Vázquez, conseyeru d'Educación, yá esplicó que diba unviar un escritu a la editorial del llibru pa que remita a tolos centros onde se trabaya cola publicación «una addenda que complete'l testu que s'emitió d'una manera parcial». Amás, esplicó que va pidir a la editorial qu'«igüe con carácter definitivu» les ediciones próximes.
Comentarios fechos (4)
Haiga paz 13/12/2011 a les 15:27:11
A min gústame tar al tantu de noticies rellacionaes cola normalización llingüística y equí yá tienen sacao coses d'esti tipu de Galicia, Aragón, Mallorca, Cataluña... Y cualquier avance, o recorte o ataque neses comunidaes –que tán muncho meyor qu'Asturies, eso ye verdá– interésame. Otra cosa ye que salte'l típicu provocador o simpáticu a facer chancia o meter griesca, pero nun me paez que la noticia en sí meta nenguna lleña en nengún fueu, como nun seya denunciar el nacionalismu español más escluyente.
Llorián 13/12/2011 a les 14:44:59
¿Qué pinta esta noticia en Les Noticies? Nun veo por ningún llao la relación que pueda tener con Asturies y como noticia de fuera, nun creo que tea muncha importancia pa nosotros. Dexa-y d'echar lleña al fueu, la griesca astur-gallega nun tien xacíu.
Y pa muestra un botón, mira-y el primer mensaxe de Xavi.
Y equí 13/12/2011 a les 13:27:28
Y equí n'Asturies qué fai UPyD? porqué nun critica que nun se ta aplicando la toponimia oficial? Tienen más cara qu'espalda.
Polo menos en Galicia dan-yos en focicu y planten cara. N'Asturies paez que tamos a mediu gas.
Xavi 13/12/2011 a les 12:13:35
O Valedor do Pobo ten razón: o libro tería que incluír que o galego tamén é unha lingua propia de Asturies.
14/05/2012 - La Confederación Los Verdes yá nun forma parte del Partíu Verde Européu
02/05/2012 - El Gobiernu asturianu quier que s’acabe col monopoliu de Renfe
18/04/2012 - Entámase una plataforma estatal en defensa de la Llei de Costes
07/05/2012 - Los partíos defensores de los recortes nun llogren la mayoría en Grecia
10/05/2012 - Noemí Martín acusa al PP de condergar a los inmigrantes irregulares «a la beneficencia sanitaria»
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
