Les Noticies.com. Diariu dixital. 12-03-2010
UNA pide una solución pa los vertíos n'El Puertu (Castrillón)
Fecha: 07/02/2010 a les 08:00:00Unidá Nacionalista Asturiana quier mostrar la so esmolición polos vertíos siguíos na playa d'El Puertu (Castrillón). Según denuncia'l partíu políticu, esta playa lleva sufriendo una serie de vertíos «ensin que de momentu se solucione'l problema».
«Ye un fechu que, tanto si los vertíos salen a la playa directamente como si lo faen al traviés del ríu Ferrera, se producen malos golores y son un focu d'infecciones pa cualquier persona que pasie pela playa», denuncien.
Pa UNA, les esplicaciones del Conceyu de Castrillón «son cuando menos poco acertaes porque ye difícil creer que nesta época del añu l'agua pluvial fieda». De ser asina, dende UNA pídese al Conceyu que se revise'l sistema de colectores pluviales y que se compruebe que nun se contamine la rede con vertíos de la rede d'agua fecal.
Otra manera, UNA esixe a la Conseyería de Mediu Ambiente y Ordenación del Territoriu que ponga solución «cuanto primero meyor» a los vertíos na playa d'El Puertu. Al mesmu tiempu, el partíu nacionalista fai un llamáu a la responsabilidá al Conceyu de Castrillón pa qu'«esclarie la situación actual que ye, cuando menos, incómoda y insalubre».
11/02/2010 - Arias-Cachero: «Cesar al Ferreiro foi una indignidá»
17/02/2010 - «Cantar de la redención», de Dixebra, reconocida como Meyor Canción n’Asturianu nos Premios de la Música
12/02/2010 - LESNOTICIES.COM estrena una serie documental sobre la vida d'Anita Sirgo
21/02/2010 - Espectáculu y bona música na gala del Meyor Cantar
03/03/2010 - Xuan Bello presenta «Colección d’identidaes»
RSS Lesnoticies.com
Apúntate en Facebook
Semeyes en Flickr
