Votos: 3

• 1
• 2
• 3
• 4
• 5

UNA opónse a la incineradora «si nun hai una xestión de la parte orgánica de los residuos»

El portavoz de medioambiente d’Unidá Nacionalista Asturiana (UNA), Tino Fernández, mostró la so oposición clara al proyectu de la incineradora, porque «va suponer abandonar cualquier futuru de la recoyida selectiva de la parte orgánica de los residuos pa poder alimentar esi monstruu».

Otra manera, el responsable de medioambiente de la coalición nacionalista, recordó que la incineración ye una de les «peores opciones» pal tratamientu de basura. Según UNA, una incineradora de 450.000 tonelaes pa una población d’un millón d’habitantes como l’asturiana, supón l’índiz d’incineración por habitante más altu de tola Península, cuadriplicando al siguiente, que ye’l País Vascu. Amás, esplicaron que la incineración d’esta cantidá de residuos ye l’equivalente d’incinerar prácticamente’l 100 por cien de los residuos sólidos urbanos.

Pa la coalición, la única opción nesti sentíu n’Asturies ye facer una recoyida selectiva de la parte orgánica, que supón aproximao’l 80 por cientu de lo que se manda al vertederu. Polo tanto, «mentes que nun se pongan les midíes amañoses» pa qu’esta recoyida sía una realidá, falar d’una inceneradora o enfrentala a tener que construír un vertederu nuevu «ye una irresponsabilidá política y un engañu a los ciudadanos».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam