Llingua

UNA diz que l'aprobación de la comunidá Ubuntu-ast amuesa'l futuru de la llingua

26/08/2010 a les 12:17:21

El portavoz d’UNA, Faustino Zapico, afirmó que l'aprobación oficial del equipu d'Ubuntu n'asturianu amuesa la potencialidá de la nuesa llingua como erbía de futuru. Amás, instó a les Alministraciones a mandase del software llibre.

Zapico dixo que pa UNA ye decepcionante que los mayores éxitos na normalización de la nuesa llingua tengan que llegar «ensin el mínimu encontu de les instituciones». Anque apuntó que ye una muestra de la potencialidá de la nuesa llingua como erbía de futuru, «a pesar de toles estorbises que quiera poner el Gobiernu asturianu pa ello, y demuestra bien a les clares que la sociedá quier entrar nel sieglu XXI cola so llingua al nivel de cualquier otru idioma».

Al empar instó a toles Alministraciones a qu'apuesten pol software llibre, «tanto como midida d'aforru frente al pagamientu de llicencies como pol encontu que supondría pa una industria emerxente n'Asturies y dinamizadora de la economía como ye'l desendolcu de software llibre».

Zapico consideró que «el Gobiernu asturianu ta a años lluz de la sociedá, qu'apuesta por una economía productiva a nivel internacional y non pola subvención pola subvención, y onde l'asturianu ye un elementu arriquecedor y diferenciador pa ganar en competitividá frente al sucursalismu de la política económica del Principáu».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam