Asturies

UNA denuncia los vertíos en L'Arena

30/08/2010 a les 16:55:57

Unidá Nacionalista Asturiana (UNA) esixe al Conceyu de Sotu'l Barcu que tome midíes pa iguar el vial y contorna de La Calea en L'Arena, «con graves desperfectos nel pisu y con rotures de tuberíes d'agua fecal, lo que fai cuasi impracticable la zona polos fedores tan intensos y pola so insalubridá».

Tino Fernández, portavoz de medioambiente de la organización nacionalista, declaró que «ye una situación que vienen denunciando los vecinos dende cuantayá». UNA tamién denuncia l'estáu de los accesos a Riulaveiga, que s'atopen nuna situación llamentable.

Pa UNA ye básico que se conserven los núcleos rurales asturianos nes meyores condiciones posibles, «tanto pa frenar l'éxodu poblacional, como poles consecuencies qu'ello implica, la destrucción de los hábitats de flora y fauna autóctonos y la perda de les formes d'esplotación de los recursos naturales caltenibles».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam