Les Noticies.com. Diariu dixital. 17-05-2012
Una carta abierta pide pa estes elecciones la unidá nel asturianismu d'esquierdes
REDACCIÓN. UVIÉU - 06/02/2012 A LES 10:25:48Una docena de ciudadanos, toos ellos conocíos pola so vinculación al asturianismu cultural o políticu, destaquen nun manifiestu «la necesidá imprescindible de facer un esfuerciu pa presentar nes elecciones del 25 de marzu del 2012 una alternativa política a les organizaciones presentes na Xunta Xeneral». Los firmantes, ente los que tán Mario Arbesú, Fernando Ornosa, Inaciu Llope, Xune Elipe y Xosé Ambás, dicen nun se sentir representaos polos políticos actuales «qu’antroxen la vida de los asturianos y asturianes, condergándonos a un abismu del que nun vamos poder salir en décades».
Nel manifiestu piden a toles organizaciones del espaciu políticu del nacionalismu d’esquierda (UNA, Andecha Astur y Bloque por Asturies) qu’abran un procesu de diálogu «nes prósimes hores, cola urxencia que necesita esti momentu políticu de fonda crisis social, cultural, medioambiental y política». L’oxetivu ye que se faiga una «única y amplia» coalición electoral de la que formen parte tolos partíos asturianistes, nacionalistes d’esquierdes, verdes y a la que se sumen persones independientes y organizaciones sociales. El manifiestu remátenlu faciendo un llamáu a escaecer el pasáu y a que se faiga un exerciciu de responsabilidá política pa centrase no que pa ellos ye esencial: «Presentar una alternativa política dende Asturies pa solucionar los problemes d’Asturies».
Los otros firmantes del manifiestu son Antón Fuertes, Iyán González, Xulio Llaneza, David Rivas, Dulce Xil, Xicu Mata y Pablo Pérez.
Comentarios fechos (12)
xurde 07/02/2012 a les 17:27:02
La política de FAC pal asturiano ta clara: 0 patateru. Ya tarazó'l prespuestu pala llingua d'esti añu. Vese que nun había otru sitiu onde recurtiar, por exemplu les silles de 500 euros que mercaron pa ellos. Los fechos falen claro y destapen les mentires y les insidies. Igual les de estos que les del PSOE, IU o PP, nel últimu casu son los mesmos versión personalista.
felipe 07/02/2012 a les 17:22:52
Nun sé si vos dais cunta que FAC nun representa nada más que a Cascos y cuatro colegas averaos al poder, y esto vereislo en breve, lo más probable ye que terminen desapareciendo. Cascos siempre cagó pa Asturies y siempre que vieno entamola buena, recorda-y la dómina de Marqués. L'asturiano pa Cascos ye lo mesmo que la sidra, palos díes de fiesta, el restu'l tiempu castellán y vinu de la Ribera'l Dueru. Nun sé cómo tais tan enfotaos nun paisanu que tien 35 años de desastrosa trayeutoria. O sois un pelín curtios o ye cosa d'intereses.
Nuberu 07/02/2012 a les 12:03:11
Una persona un votu amigu Nel,los mios comentarios son mios,y mio vot tamien,nun val mas qu´otros pero tampocu menos,polo tantu dexame qu´esprese lo que me pete,d´eso tratase la democracia,polo que veo nun llees mas de lo qué te interesa lleer,pues tengu equi tres comentarios y si los llees de verdá sacaries otra conclusion que nun ye del too la que dices sobre mi.Pero bono,hai xente que va per llibre,asina considerome yo y, otros que necesiten que les digan lo que tienen que facer o pensar....y esu collaciu ye´l to problema.
aturuxo 07/02/2012 a les 10:45:14
Ya,ya. Lo de siempre.Yo tamién tiré el votu munches convocatories. Lo que nun se iguó en venti años nun se va a iguar en un mes.Ya hay un partíu que representa la defensa de los intereses del nuestru país. Aunque tendrá que meyorar y avanzar en asuntos llinguísticos.
Yo voto Foro.
Llambión 06/02/2012 a les 23:26:24
Nun sé qué vos diga, compañeros. Pa mi esto ye un cuentu forzáu pola fecha de les elecciones. Nun hai nada detrás. Yo yá nun tengo enfotu nenguno nos partíos asturianistes nin neses persones que firmen el manifiestu. Nin enfotu nin esperanza. Nun quiero volver tirar el votu, yá cansé. Que vos vaya bien.
04/05/2012 - 2.000 persones piden nes cais d'Uviéu la oficialidá del asturianu
07/05/2012 - Naz el procesu «Compromisu» de la mano de la fusión de Bloque por Asturies y UNA
08/05/2012 - Herbamora presenta'l 9 de mayu n'Uviéu'l so proyectu musical nuevu
20/04/2012 - IX quier que'l PSOE se comprometa a instaurar la circunscripción única
15/05/2012 - Compromisu constitúise nel Nalón
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
