Sociedá

La UCE diz qu'incinerar los residuos ye ente siete y once veces más caro que dexalos nun vertederu

24/02/2010 a les 14:19:44

El presidente d'UCE-Asturies, Dacio Alonso, y el presidente de Cavastur, Vicente Gutiérrez Solís, aseguren que la incineración de residuos ye ente siete y once veces más cara que'l depósitu en vertederu.

Nesti sen, Alonso dixo que mandar los residuos reciclables a la incineración supon cometer un fraude económicu a los consumidores, porque la Llei d'Envases establez que los sistemes de recoyida finánciense con un sobrepreciu qu'abonen los consumidores cuando compren el productu.

L'Asociación pa la Defensa de la Sanidá Pública, Cavastur, Ecoloxistes n'Acción d'Asturies y la mesma UCE-Asturies quexáronse del «escurantismu premeditáu» del Gobiernu a la hora d'informar sobre les torgues de la incineración, y tacharon de «despreciu absolutu» la so actitú.

Coles mesmes, Dacio Alonso declaró que les asociaciones quieren «promover una alternativa seria que lleve a un discutiniu pa llegar a una solución, amás d’avergonzar a dellos Conceyos y ofrecer los datos qu'hasta agora naide mentó».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam