Actualidá

El Tribunal Supremu insiste en xulgar a Garzón por prevaricación contra'l Franquismu

07/02/2010 a les 08:00:00

Luciano Varela, xuez del Tribunal Supremu español, desestimó la petición de sobreseír la causa formulada pol abogáu de Baltasar Garzón, Gonzalo Martínes-Fresneda y, decidió siguir alantre coles querelles por prevaricación que presentaron el sindicatu ultraderechista Manos Limpias, l'asociación Libertad e Identidad y Falange Española de las JONS, contra'l maxistráu.

L'instructor del casu diz que Garzón «decidió conscientemente inorar» la Llei d'Amnistía al declarase competente pa investigar les desapariciones cuando la Guerra Civil y el Franquismu.

Según l'autu del casu, el maxistráu de l'Audiencia Nacional «yera consciente de que nun tenía competencies pa instruír la causa y, amás, de que nun existíen fechos con relevancia penal subsistente que xustificaren la incoación d'un procedimientu penal». Y too ello «fíxolo saltando y tratando de facer infectiva la voluntá que la sociedá democrática y los poderes llexítimos y democráticos del Estáu espresaren na Llei d'Amnistía del añu 1977», según pue lleese nel autu del procedimientu contra Garzón.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam