Cultura

Trabe convoca un maratón de microrrellatos

REDACCIÓN. UVIÉU - 27/01/2012 A LES 11:18:51

Ediciones Trabe abre un maratón de microrrellatos al traviés de Facebook y del so blog. Los escritos, sobre la crisis económica qu’apodera’l mundu d’anguaño y les posibles maneres de dexala p’atrás, nun han tener más de 250 caracteres y han dir firmaos col nome y apellíos de quien escribe y acompañaos d’un corréu electrónicu y un númberu de teléfonu onde poder contactar.

El plazu p’apurrir de manera telemática (en Facebook o nel blog de Trabe) los orixinales entama na tarde del 27 de xineru y va acabar a les 24 hores del día 29 de febreru del 2012. La editorial acuta’l derechu de seleccionar los rellatos que más-y presten y editar con ellos un llibru comunal y plural, en formatu dixital, que va quedar colgáu na so páxina web. Aparte, Ediciones Trabe acuta’l derechu a decidir el preciu de venta al públicu del ebook, que ye xenerador de derechos d’autoría.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam