Votos: 1

• 1
• 2
• 3
• 4
• 5

Tierra Astur y Crivencar presenten les xornaes gastronómiques «La cocina de los 40 quesos»

El 10 de marzu próximu, a partir de les 12 hores, na sidreria Tierra Astur de Xixón, los responsables de Crivencar/Tierra Astur y delles autoridaes del conceyu van presentar oficialmente la edición nueva de les xornaes gastronómiques La cocina de los 40 quesos.

La presentación d'estes xornaes en Xixón, que s'incluín dientro del programa global que cada añu Crivencar lleva alantre, va valir de sida pa presentar les actividaes gastronómiques que Tierra Astur/Crivencar fai tol añu al traviés de la so Axenda Gastronómica.

De la mesma manera, esta va ser un ocasión pa festexar la puesta de llargo en Xixón de la empresa asturiana, tres la exitosa apertura, el branu pasáu, del so establecimientu na zona d'El Natahoyo.

La cocina de los 40 quesos va presentase con una proyección audiovisual de la obra del fotógrafu xixonés Juanjo Arrojo, que trata del orixe y desenvolvimientu de la tradición quesera n'Asturies. De siguío, Pepe Sariego, director del Muséu de la Llechería de Morcín y director del certame gastronómicu Asturies, el país de los 40 quesos, va esplicar a los asistentes en qué consiste'l certame de Morcín. Los representantes municipales van ser los encargaos de ciarrar los actos.

P'acabar la presentación va ofrecese una preba de los 40 quesos asturianos y de delles ellaboraciones qu'ente los díes 10 y 14 de marzu van ufiertase a la clientela en tolos establecimientos hosteleros de Tierra Astur.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam