Les Noticies.com. Diariu dixital. 12-03-2010
Thyssenkrupp va recortar más de 20.000 puestos de trabayu
Fecha: 27/11/2009 a les 15:30:00El consorciu industrial xermanu Thyssenkrupp plania reducir el so personal en más de 20.000 persones nel próximu exerciciu fiscal, depués de confirmar qu'al ciarrar el de 2008/2009, rexistró pérdides de 1.873 millones d'euros, en contraste col beneficiu de 2.276 millones del exerciciu precedente.
El grupu alemán encadenó asina cuatro trimestres siguíos en «númberos bermeyos» depués de sufrir un retrocesu del 34,8 por cientu nel volume de pidíos, hasta 35.970 millones d'euros, mentes que la cifra de negociu baxó un 24 por cientu, hasta 40.563 millones d'euros. El presidente de ThyssenKrupp, Ekkehard Schulz, indicó na presentación de les cuentes anuales de la multinacional que’l personal de la compañía va reducise nel próximu exerciciu fiscal hasta los 167.000 trabayadores, frente a los 187.495 colos que contaba al acabar l'exerciciu 2008-2009.
ThyssenKrupp precisó que yá nel últimu exerciciu fiscal reduxere’l so personal en 11.989 persones, sobre'l 6% de la so fuerza llaboral.
25/02/2010 - Entámense concentraciones contra los despidos na RTPA y nos medios de comunicación asturianos
22/02/2010 - El Gobiernu asturianu «va poner l'acentu» nel empléu femenín
23/02/2010 - Heweltt Packard espera algamar los 300 empleos n'Asturies en dos años y crear un centru SAP d'ámbitu internacional
24/02/2010 - Los complementos retributivos a los homes espliquen la resquiebra salarial ente sexos
18/02/2010 - CC OO y UXT convoquen una manifestación contra la reforma del sistema de pensiones
RSS Lesnoticies.com
Apúntate en Facebook
Semeyes en Flickr
