Cultura

Teatro Margen presenta «Delirio a dúo», la so versión d'Ionesco

REDACCIÓN. UVIÉU - 31/01/2012 A LES 12:39:22

Esti vienres 3 de febreru, a les 20.30 hores, el Teatru Xovellanos de Xixón va ser l'escenariu de la estrena de Delirio a dúo, la llectura contemporánea que Teatro Margen fai de la obra d'Eugène Ionesco. L'autor, ún de los máximos esponentes del Teatru del Absurdu, foi ún de los dramaturgos más innovadores del sieglu XX.

Arturo Castro, director de la obra, esplica que «les males rellaciones ente la pareya de protagonistes –en cuenta de responder a diferencies ideolóxiques, relixoses, nin siquiera estétiques– parecen ser productu de la fartura de la convivencia y de la incomunicación, verbalizándose n'insultos tomaos d'animales tan ayenos al mundu urbanu onde viven los nuestros héroes como lo son los cascoxos y les tortugues». Énte la indiferencia con que miramos la violencia del mundu que nos tresmiten los informativos, lo qu'él llama «la realidá ficcional», Castro pregúntase: «¿Qué pasará cuando perdamos l'actividá, cuando dexemos de ser fuertes, cuando síamos vieyos? ¿Cómo procesaremos esa información global? ¿En qué planu, ficcional o real, la pondremos?».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam