Cultura

Suspenden la Gala d'Asturies de José Luis Moreno

03/09/2010 a les 12:55:18

La productora de José Luis Moreno, Kulteperalia, decidió suspender la Gala d'Asturies que diba facese’l 10 de setiembre nel patiu de La Llaboral, según informó la sociedá pública Recrea. Dende la productora tomaron esti determín pa facilitar que La Llaboral sía la salida de la Vuelta Ciclista a España n’Asturies.

Según señalen, les tres partes –Recrea, Kulteperalia y Vuelta a España–, tomaron esta decisión d'alcuerdu pa facilitar el montaxe del eventu deportivu. Sicasí, dende Recrea señalen que la gala va ofrecese nun futuru próximu.

Esti eventu musical diba emitise pela TPA y delles televisiones autonómiques más, y diba incluír les actuaciones musicales d'Hevia, Doctor Explosion, Anabel Santiago, Dark la Eme, Los Oricios, Banda de Gaites Villa Xixón, Pablo Valdés & The Crazy Lovers, María Toledo y otros artistes.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam