Llingua

Suatea llogra que'l Conseyu Escolar reconoza l'asturianu

REDACCIÓN. UVIÉU - 08/06/2011 A LES 17:47:19

Gracies a una enmienda del sindicatu Suatea, l'Informe sobre l'estáu y situación del sistema educativu va recoyer la llingua asturiana. Nesti informe danse datos sobre la situación de les llingües del Estáu nel sistema educativu nun apartáu que dende va años llamábase IV.2.10. Les llingües oficiales nel sistema educativu, pero qu'agora, pola enmienda presentada por Beatriz Quirós nel plenu del Conseyu Escolar del Estáu, esti apartáu pasa a llamase IV.2.10. Les llingües oficiales y propies de las comunidaes autónomas nel sistema educativu.

Nesti apartáu clasifíquense los datos d’escolarización que se dan de caúna d’elles en cuatro modelos llingüísticos, según s’empleguen les llingües como instrumentu d’enseñanza y aprendimientu. Según el sindicatu, el cambiu supón un pasu alantre nel reconocimientu del nuestru patrimoniu llingüísticu «qu’enantes nun se vía reflexáu nel epígrafe y agora algama’l mesmu estatus llingüísticu que les otres llingües». Asina, anque nel informe se reconocía la existencia del asturianu, nun se daba nengún datu sobre la so escolarización nin del tipu de modelu d’enseñu que se sigue nel nuestru país. Amás, depués de conocer los datos del sistema asturianu, Suatea denuncia la «ruindá» de la escolarización depués de 30 años de «promoción obligada de la nuestra llingua pol Estatutu d’Autonomía».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam