Les Noticies.com. Diariu dixital. 17-05-2012
Suatea denuncia que'l Gobiernu asturianu impide crear la especialidá de Llingua Asturiana
21/02/2011 a les 10:38:38El 4 de febreru pasáu fíxose en Madrid una mesa de negociación sectorial d'Educación, onde se trató'l proyectu de Real Decretu d'Especialidaes de Maestros. Ellí, el Ministeriu refugó la creación de la Especialidá de Llingua Asturiana depués de que'l Gobiernu asturianu nun quixera una redacción primera que sí lo permitía.
Na mesa de negociación, Suatea presentó una redacción del artículu sobre especialidades docentes onde se proponía que tendríen la consideración d'especialidaes les de llingües oficiales «y aquelles llingües propies de les comunidaes que, nun teniendo estatus de cooficial, gocen d'estremaos niveles de protección na so llexislación autonómica y soliciten el so reconocimientu como especialidá docente».
Sicasí, el representante del ministeriu dixo na mesa que depués de preguntar al Gobiernu asturianu, esti nun quixo la redacción propuesta pol sindicatu y a la fin va quedar como proponía'l Ministeriu: «Tendrán la consideración de especialidaes del Cuerpu de Maestros les propies de la llingua cooficial naquelles Comunidaes Autónomes qu'asina lo tuvieren regulao».
Anque esta redacción nun torgue que les llingües propies nun cooficiales puedan tener accesu a la Especialidá docente, la propuesta de Suatea abría la puerta a la reconocencia de la Especialidá de la Llingua Asturiana ensin necesidá d'oficialidá, «dalgo que tanto-y repuna y resquema al Gobiernu asturianu».
Por eso, pal sindicatu, la culpa que nun haya Especialida de Llingua ye del Gobiernu asturianu, «que tien una gran falta de respetu a los derechos llaborales del profesoráu y a los derechos llingüísticos de la ciudadanía».
Comentarios fechos (1)
Llector 21/02/2011 a les 12:58:09
IU forma parte del gobiernu asturianu. ¿Qué diz a ésto?. Equí nun-y val echar la culpa al gobiernu de Zapatero
15/05/2012 - El Festival Internacional de Cine dexa d'usar la forma «Xixón» nel logotipu
26/04/2012 - La Vuelta Ciclista a Asturies va usar la toponimia oficial
30/04/2012 - «Tenemos el retu de convencer a la sociedá de que l'asturianu paga la pena»
03/05/2012 - La XDLA llama a manifestase esti vienres 4 de mayu, Día de les Lletres Asturianes
19/04/2012 - La XDLLA convoca pal 4 de mayu la manifestación pola oficialidá
Esta web cuenta con una subvención de la Conseyería de Cultura y Deporte del Principáu d'Asturies
© Diariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
