Les Noticies.com. Diariu dixital. 07-02-2012
El Sporting va promocionar n’asturianu'l Conceyu de Xixón na so equipación
24/02/2010 a les 17:33:14El Sporting de Xixón llegó a un alcuerdu col Conceyu pa promocionar na so equipación la imaxe de marca nueva de la ciudá. Los xugadores van llevar nos pantalones el lema de la campaña (Xixón con sal) escritu n’asturianu, mentes que na camiseta va figurar el mesmu eslogan en castellanu. Por esa promoción, el Conceyu va paga-y al Sporting un total de dos millones d’euros nos cuatro años que vienen. Les dos entidaes van firmar l’alcuerdu’l vienres 26 de febreru.
El compromisu va facese efectivu na temporada que vien, ello ye, al empezar la temporada 2010/11, y la imaxe de la ciudá tamién va publicitase nes valles d’El Molinón. El primer pagu tien una cuantía de 400.000 euros y va facese a partir de la seronda que vien. La siguiente temporada’l Conceyu va abonar 450.000 euros y los dos años siguientes tien previsto pagar 600.000 euros cada añu.
Comentarios fechos (5)
Michu Mino 26/02/2010 a les 09:30:58
Llambeculos!!
Pero hai qu'aplaudir la iniciativa del equipu de l'aldea.
De toes maneres PUXA UVIÉU y DIEGO CERVERO!!
Volveremos!
Xabel 25/02/2010 a les 15:13:22
Defechu yá hai selmanes que "Xixón, Asturies con sal" puede vese nes pantalles qu'arrodien el prau.
El Xixonazo 25/02/2010 a les 12:05:34
Préstame saber qu'el primer equipu asturianu de la primer división fai coses pola llingua. Norabona.
Escaecioseos d'aqué 25/02/2010 a les 10:06:37
"Xixón" tamién va dir nel chandal oficial, ún de los dos anuncios del videomarcador del Molinón, na escuela de Mareo y nes ruedes de prensa.
azulín claro 24/02/2010 a les 19:11:34
Gabino (o Felechosa), toma exemplu.
Lesnoticies.com - El Sporting va promocionar n’asturianu'l Conceyu de Xixón na so equipación
23/01/2012 - La Vuelta a España comprométese a usar la toponimia oficial asturiana
16/01/2012 - Vallaure: «L'axuste en Política Llingüística va compensase cola voluntá política»
19/01/2012 - Llamazares va usar l'asturianu nel Congresu pa pidir el reconocimientu de la Especialidá
24/01/2012 - Los medios de comunicación d'Asturies inoren la toponimia oficial
06/02/2012 - El tramu de l'A-8 abiertu esti sábadu nun respeta la llegalidá toponímica
Esta web cuenta con una subvención de la Conseyería de Cultura y Deporte del Principáu d'Asturies
© Selmanariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
