Votos: 0

• 1
• 2
• 3
• 4
• 5

Siguen les actividaes de la XIV Selmana Aula Popular José Luis García Rúa

Planes públicos… Intereses privados ye'l títulu de la XIV Selmana del Aula Popular José Luis García Rúa, onde se convoca a la xente a participar en bien d'actos culturales y políticos. Les actividaes van acabar esti sábadu 13 de febreru con una cena de confraternización nel restaurante Avant Garde. Les invitaciones p'asistir distribúinse na Sociedá Cultural Xixonesa y nel Atenéu Obreru de Xixón.

Enantes del día de la clausura, entá queden por celebrar delles de les actividaes, como la conferencia Obres públiques, grandes negocios, que da Roberto Sánchez Ramos, conceyal d'ASCIZ del Conceyu d'Uviéu, esti miércoles 10 nel salón d'actos del Antiguu Institutu de Xixón a les 20 hores.

Al otru día, Paco Ramos, miembru d'Ecoloxistes n'Acción d'Asturies, va falar de la lliberación de los mercaos enerxéticos, y Fructuoso Pontigo, portavoz de la Coordinadora Ecoloxista, va tratar l'asuntu de la incineradora, les sos repercusiones pa la salú y el negociu priváu que pue suponer. Les charles acaben el vienres 12 cola charla que da'l sociólogu Oscar López Corral sobre'l PP madrilanu y el «so modelu de corrupción institucionalizada.

Toles actividaes tán organizaes pola Sociedá Cultural Xixonesa, Radio Kras FM105, l'equipu de teatru La Máscara y l'Atenéu Obreru de Xixón, cola collaboración de la Fundación Municipal de Cultura, Educación y Universidá Popular.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam