Llingua

El SFA entama un congresu sobre ciencia, llingua y fronteres

02/09/2010 a les 11:29:11

El grupu d'investigación Seminariu de Filoloxía Asturiana (SFA), de la Universidá d’Uviéu, entama un Congresu que, baxo’l títulu xenéricu Ciencia, llingua y fronteres, va celebrase los díes 5 y 6 d’ochobre del 2010 na Facultá de Filoloxía de la capital asturiana.

El Congresu quier analizar ún de los problemes de la llingüística actual: cómo midir les fronteres ente llingües y dilalectos. Nel debate van participar especialistes asturianos, españoles y europeos en Llingüística Xeneral, en Romanística, en Dialectoloxía Hispánica, Gallego-Portuguesa y Asturllionesa.

Amás, tamién van sentise les argumentaciones d’especialistes en Filosofía de la Llingüística, Antropoloxía o Bioloxía, disciplines que comparten delles de les esmoliciones alredor del conceptu de tipu y frontera ente llingües.

La inscripción p’asistir faise ingresando 10 euros enantes del 4 d'ochobre. A los asistentes van da-yos un certificáu d’asistencia.

Más información, equí.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam