Asturies

El salariu mediu de les muyeres ye un 24 por cientu inferior al de de los homes

31/08/2010 a les 16:57:43

Nel 2009 el salariu mediu n'Asturies situóse en 1.806,11 euros brutos por trabayador y mes. Los datos de la última Encuesta Anual d'Estructura Salarial señalen que n'Asturies el salariu mediu anual de les muyeres ye un 24% inferior al de los homes.

Amás, la xente mozo de 25 a 35 años gana un 26% menos que los trabayadores de 45 a 54 años; los qu'ocupen puestos de cualificación baxa (operadores de maquinaria y trabayadores non cualificaos) ingresen por términu mediu un 42% menos que los de mayor cualificación; y el salariu mediu de los trabayadores temporales ye inferior nun 25% al de los que cuenten con un contratu indefiníu.

Asina les coses, pa CC OO d'Asturies la estructura salarial «sigue demostrando la existencia d'un mercáu de trabayu que desaprovecha la cualificación de la xente mozo al impidir el so accesu a los puestos de trabayu pa los que se formaron». Según Gilberto García Buelga, secretariu de Política de Desarrollu de CC OO, esta situación tamién la sufre la muyer «al ser desplazada a puestos de cualificación baxa y d'atención a les persones».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam