Actualidá

Roberto Colunga pide qu’Asturies intervenga pa protexer el xacimientu de Lancia

06/09/2010 a les 10:47:41

El Diputáu del Bloque por Asturies, Roberto Colunga, unvió delles cartes al Ministru de Fomentu, a la Ministra de Cultura, a les Conseyeres de Cultura d'Asturies y de Castiella y Llión, y al Director Xeneral de Patrimoniu de Castiella y Llión, onde-yos tresmite la so esmolición sobre l'impactu que les obres de l'autovía A-60, ente Llión y Valladolid, puedan tener sobre'l xacimientu arqueolóxicu de la ciudá de Lancia.

«L’asentamientu ye ún de los más grandes de la zona ástur y la so importancia nel mundu prerromanu del noroeste del Estáu español ye incuestionable, corriendo verdaderu peligru de vese afectáu irreversiblemente o llegar inclusive a sumise baxo l’asfaltu de l'autovía», afirmen dende la organización.

El Diputáu del Bloque recuerda que la ciudá de Lancia foi, enantes de la invasión romana, la población más importante de los ástures, «onde llegaron a vivir miles de persones y llegó a ocupar una estensión de más de 60 hectárees».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam