Asturies

Riopedre diz que'l recorte de 61 places na Enseñanza ye una midida «normal y asumible»

11/03/2010 a les 14:50:00

El conseyeru d'Educación, José Luis Iglesias Riopedre, respondió a les crítiques de los sindicatos d'enseñanza sobre la negociación del personal pal cursu que vien. Nesi sentíu, el conseyeru esplicó qu'un recorte de 61 places ye una midida «totalmente normal y asumible».

Asina, recordó que los centros educativos cuenten con un docente por cada ocho alumnos, una cifra que según Riopedre ye «envidiable nel contestu nacional» y que permitió que los resultaos académicos asturianos «se sitúen ente los meyores del país».

Otra manera, el conseyeru apuntó que si'l sistema educativu asturianu funciona razonablemente bien «ye, ente otres coses, porque contamos con munchos profesores nos centros». Amás, Riopedre asegura que ta convencíu de que los centros «cuenten colos profesores necesarios».

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam