Cultura

Ricardo Menéndez Salmón gana la quinta edición del premiu lliterariu Llanes de Viaxes

16/02/2010 a les 19:20:08

El xuráu del premiu Llanes de Viaxes, aconceyáu en Madrid y formáu polos escritores Fernando Marías, Ramón Pernas, Pedro Páramo; y José Manuel Herrero, conceyal de Cultura del Conceyu; Dolores Álvarez Campillo, alcaldesa de Llanes; y Silvia Pérez Trejo, editora d'Imagine Ediciones, decidieron, por unanimidá, otorgar el premiu a la obra en castellanu Asturias para Vera (Viaje sentimental de un padre escritor), de Ricardo Menéndez Salmón.

Trátase d'un viaxe sentimental que l'autor fai cola so fía pequeña, Vera, mostrándo-y los requexos, mitos y historia d'Asturies, según informó'l Conceyu de Llanes al traviés d'una nota de prensa.

Menéndez Salmón, ún de los más sobresalientes novelistes españoles actuales, parte del viaxe cola so fía pa crear una poderosa filaza de cuentos, reflexones, cites lliteraries, microrrellatos y güeyaes llíriques, emocionaes y emocionantes, hacia la so tierra, según resumió'l presidente del xuráu, Fernando Marías.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam