Cultura

Recrea asume la xestión del Centru de Recepción y Interpretación del Prerrománicu

REDACCIÓN. UVIÉU - 25/01/2012 A LES 10:22:31

La sociedá pública Recrea va asumir a partir d'esta temporada la xestión del Centru de Recepción y Interpretación del Prerrománicu Asturianu, asitiáu nes escueles vieyes de Naranco y averáu a les ilesies de Santa María y a San Miguel. Nesti equipamientu, los visitantes van poder atopar tola información disponible en castellanu, inglés, francés y en braille.

Al traviés de paneles interpretativos y cola ayuda de mapes, cronogrames y semeyes, el públicu pue realizar un percorríu peles etapes del Arte Asturianu y pelos monumentos que formen esta arquitectura. El Centru tamién cuenta con maquetes de Santuyano, El Conventín y Santa María, amás d'un audiovisual sobre los templos y construcciones que componen l'Arte Asturianu.

Puntualmente, el Centru va acoyer actividaes especiales como talleres y visites-taller. La entrada ye de baldre y, amás, la Conseyería de Cultura y Deporte va ameyorar esti añu la redolada de los monumentos, pa integrar y facilitar la visita al Centru y a les dos ilesies.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam