Asturies

Rabanal pide nel Senáu «apoyu necesariu pa superar la crisis»

28/11/2009 a les 00:00:00

El conseyeru d'Economía y Facienda del Principáu d'Asturies, Jaime Rabanal, pidió a los grupos parllamentarios nelSenáu que dean l'apoyu a un modelu de financiación que «ye necesariu pa superar la crisis económica» y una oportunidá p'avanzar na cohesión territorial, social y económica del Estáu español.

El conseyeru d'Economía y Facienda fixo esta petición na intervención énte la Comisión Xeneral de les Comunidaes Autónomes del Senáu, onde se debatieron los dos proyectos de llei que constitúin el modelu nuevu de financiación autonómica.

Rabanal señaló que la salú del Estáu atonómicu «sofítase» nesti modelu que «ye indispensable» p'afondar y meyorar l'autonomía financiera, la suficiencia y la prestación de los servicios públicos fundamentales a los ciudadanos. Amás, destacó qu'esti modelu nuevu «ye frutu d'un procesu llargu» y señaló que les negociaciones del Gobiernu coles comunidaes llevóse alantre con «tresparencia».

Otra manera, el titular d'Economía aseguró qu'esti sistema corrixe los defectos del anterior, aumenta los niveles d'autonomía financiera y afonda nel principiu de corresponsabilidá.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam