Llingua

Queda un mes de plazu pa presentase a los «Premios Lliterarios 2010» del Principáu d'Asturies

29/07/2010 a les 16:36:10

La Conseyería de Cultura y Turismu del Principáu d'Asturies informa de que namás queda un mes pa presentase a los premios lliterarios que convoca cada añu pa consolidar, arriquecer y prestixar la llingua y la cultura asturiana. Les categoríes, toes en llingua asturiana, son: XVI Premiu d'Ensayu Máximo Fuentes Acebedo, XXI Premiu en Llingua Asturiana Xosefa Xovellanos, II Premiu de Cómic en Llingua Asturiana Alfonso Iglesias y III Premiu de Lliteratura Infantil y Xuvenil María Josefa Canellada. El premiu pa cada una ye de 7.000 euros y pueden presentase toles persones que nun ganaren na convocatoria anterior. Toes tienen tema y estructura llibre. El plazu acaba'l 10 de setiembre y les bases completes tan nel BOPA del 26 de marzu de 2010 y en www.politicallinguistica.org.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam