Cultura

Yá pues sentir «Sarxentu retonda», un nuevu cantar de Skama la Rede

26/08/2010 a les 13:38:19

LESNOTICIES.COM ufierta a tolos llectores un nuevu de cantar de Skama la Rede. Trátase de «Sarxentu retonda», la composición qu’abre’l tecer discu de la banda del Cabu Peñes, Ye too mentira.

El cantar, con lletra y música del propiu grupu, ye una historia nocherniega que fala d’un control de carretera, con rexistru policial incluíu, pa «nunca topar nada y marchar de mala gana». La composición enmárcase dientro del ska-punk que caracteriza’l grupu.
LESNOTICIES.COM yá adelantó en primicia, díes enantes de la publicación de Ye too mentira, el cantar «Albo-rada impopular», dedicada a les muyeres de la fábrica d’Albo de Candás.

Amás d’estes composiciones, el tercer discu de los del Cabu Peñes inclúi otros diez temes más, como «Si lo diz mio güela», «S.O.S. fame en Tapia», «Na nuestra realidá», «Nun vais poder» o «Nieva sobre moyao».

L’estilu del últimu trabayu de Skama enmárcase, como bien siendo vezu nel grupu, dientro del ska-rock. Ye too mentira ye una producción de L’Aguañaz dirixida pol productor musical Sergio Rodríguez nos estudios Tutu en Los Campos (Corvera).

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam