Les Noticies.com. Diariu dixital. 10-03-2010
PSOE y IU refuguen na Xunta una moción del PP que pidía considerar a les prostitutes víctimes de violencia de xéneru
Fecha: 27/11/2009 a les 15:30:00Los grupos parllamentarios del PSOE y IU-BA-Verdes (24 votos) refugaron güei nel Plenu de la Xunta Xeneral del Principáu d'Asturies una moción del PP (18 votos) que pidía considerar a les prostitutes como víctimes de violencia de xéneru. El PSOE argumentó que yá se ta lluchando contra la trata de muyeres con fines d'esplotación y IU-BA-Verdes argumentó que non toles prostitutes tán esplotaes.
La encargada de defender la moción foi la diputada del PP, Cristina Coto. Nel testu solicitaba al Gobiernu qu'empiece a facer efectives les midíes del Plan Integral de Llucha contra la Trata de Seres Humanos con Fines d'Esplotación Sexual que se-yos mandó a les comunidaes autónomes.
Tamién pidía que, considerando a les muyeres que sufren esplotación sexual víctima de violencia de xéneru, se pongan a la disposición d’elles condiciones llaborales qu'eviten que se vean empobinaes a prostituyes y incrementar los recursos destinaos a desmantelar les redes de prostitución, amás d'establecer polítiques específiques dirixíes a les muyeres inmigrantes nesa situación. Nesti sen, pidía facilitar l'accesu a la sanidá, sensibilizar y educar como midíes pa rebaxar la demanda masculina y ellaborar códigos éticos qu'encamienten a los medios de comunicación que nun publiciten el consumu sexual de muyeres.
18/02/2010 - Aznar diz que Zapatero «nin tien, nin tenía» condiciones pa ser presidente del Gobiernu
09/03/2010 - Fai! ridiculiza una concentración antialbortista
11/02/2010 - Preséntase Eslema, el traductor automáticu castellanu-asturianu
04/03/2010 - El Gobiernu va pidir al Ministeriu d'Educación un informe sobre la especialidá d'Asturianu
25/02/2010 - UNA propón la creación d’un «espaciu políticu asturianu»
RSS Lesnoticies.com
Apúntate en Facebook
Semeyes en Flickr
