Cultura

Preséntase en Xixón el documental «Jazztures»

REDACCIÓN. UVIÉU - 27/01/2012 A LES 12:13:29

Esti sábadu 28 de xineru, a les 19 hores, el Centru de Cultura Antiguu Institutu de Xixón va acoyer la presentación del documental Jazztures, dirixíu por Juan García Sainz. Na obra quier ofrecese una visión global del jazz n’Asturies y de los sos intérpretes, poniendo al espectador en contactu directu cola so música y les sos palabres, que son el vehículu narrativu qu’articula’l documental. Nél aparecen entrevistes, grabaciones en directo, imáxenes d’archivu y otros munchos materiales –muncho d’ello inédito– axuntaos nun llabor detalláu d’investigación musicolóxica. Ente los munchos músicos qu’aparecen en documental tán Félix Morales, Isaac Turienzo, José Ramón Feito, Alfredo Morán, Juan Arenales, Carlos Pizarro, Horacio García, Jacobo de Miguel, David Casillas, Fernando Arias, Cesar Latorre, Mapi Quintana, Marco Martínez, Xaime Arias o Javi Rubio.

Jazztures presentóse nel mes de payares del añu pasáu n’Uviéu, na Biblioteca d’Humanidaes del Campus del Milán.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam