Sociedá

La Plataforma Unitaria 8 de Setiembre convoca un actu reivindicativu en Xixón

01/09/2010 a les 09:57:30

La Plataforma Unitaria 8 de Setiembre, qu'acaba de crease y onde s'integren dellos colectivos políticos, sociales y sindicales, ente ellos el Bloque por Asturies y Unidá Nacionalista Asturiana, convoca en Xixón una concentración pal Día d’Asturies.

L’actu va facese nos Xardinos del Náuticu a les 12.30 hores y, según señalen dende la organización, quiere valir de respuesta a los actos oficiales que'l Gobiernu asturianu tien programaos en Ribeseya. El lema escoyíu va ser Pol futuru de Asturies, col que quieren facer un llamáu al optimismu, a la recuperación de l'autoestima y a la defensa de la economía, cultura y mediu ambiente.


«Trátase de dar una respuesta coordinada y lo más unitaria posible énte'l modelu d'Asturies que'l Gobiernu asturianu va celebrar el próximu 8 setiembre, que se basa nuna triple negación; la negación de la nuestra capacidá p'autogobernarnos, la negación de la capacidá d'Asturies pa salir de la crisis económica, y la negación y el despreciu de la nuestra cultura y la nuestra historia», señalen dende la organización.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam