Economía

El paru baxa n'Asturies el 5,48%

02/07/2010 a les 13:20:18

En xunu hubo n'Asturies 4.353 persones menos nes llistes d'empléu, según los datos que dio a conocer el Ministeriu de Trabayu y Inmigración. Esta baxada del 5,48 por cientu nel índiz de paru fai que'l númberu total de persones ensin trabayu sía de 75.044. El paru tamién amenorgó ente la población estranxero residente n'Asturies nun 4,20 por cientu. El descensu total ye'l segundu mayor rexistráu a nivel estatal, per detrás de Cantabria, onde'l paru baxó nun 5,95 por cientu.

Por sectores, la mayor parte de la xente desempleao, 47.931 persones, pertenez al sector servicios, mentes que na construcción hai 11.954 persones ensin trabayu; na industria 8.269; ensin empléu anterior son 6.015; y del sector primariu, 875.

A nivel estatal, el númberu de paraos baxó nun 2,06 por cientu en comparanza con mayu, lo que fixo que sía la primera vez dende avientu del 2009 que'l númberu de persones en paru yá nun sobrepase los cuatro millones, sinón qu'en total son 3.982.368 les persones ensin trabayu.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam