Les Noticies.com. Diariu dixital. 08-02-2012
El Partíu Radical d'Emma Bonino pide la creación de los Estaos Uníos d'Europa
04/09/2010 a les 08:00:00El Partíu Radical celebra’l so congresu xeneral en Barcelona. Nel alcuentru, que va durar hasta’l domingu 5 de setiembre, participen más de cien parllamentarios y activistes polos derechos humanos de tol mundu. El movimientu radical lideráu por Emma Bonino y Marco Pannella tien como principales oxetivos «un efectivu Derechu Internacional, el respetu de los Derechos de les persones y l'afirmación de la democracia y la llibertá en tol mundu». La inauguración de l’atopada va contar con un saludu del presidente del Parllamentu de Cataluña, Ernest Benach, y la participación d'Annemie Neyts, presidenta de l'European Liberal, Democratic and Reformers Party.
El congresu xeneral del partíu va tratar la propuesta de facer una campaña política internacional p’activar y reforzar les xurisdicciones internacionales que preservaron los derechos humanos, civiles y políticos, amás d'actuar contra los crímenes d'Estáu. El profesor Cesare Romano (Loyola Law School de Los Angeles, EUA) va presentar una ponencia sobre esta propuesta que quier impulsar un serviciu internacional d'ayuda gratuíta a les víctimes que quieran entamar acciones llegales con toles instituciones y recursos disponibles.
Tamién van dedicase dos sesiones sobre Europa: na sesión Por una Patria Europea, contra l’Europa de les Patries, va defendese la construcción de los Estaos Uníos d’Europa sobre la base del proyectu federalista descritu nel Manifiestu de Ventotene; y otra sesión sobre l’adhesión d'Israel a la UE como ponte pa la democracia nel mundu árabe.
La vicepresidenta del Senáu italianu, Emma Bonino, va presentar la iniciativa del partíu y de l’asociación radical No Peace Without Justice pa obtener na asamblea xeneral de la ONU una moratoria sobre les mutilaciones xenitales femenines, una práctica que sigue afectando a millones de muyeres, especialmente n’Àfrica.
26/01/2012 - Julio Anguita: «La clas política ye mansa y bebe de los bancos»
10/01/2012 - El PP balear, dividíu pol catalán como requisitu pa los funcionarios
05/02/2012 - Los paraos escuenden datos de la cualificación que tienen pa que se-yos presenten más oportunidaes de trabayu
16/01/2012 - Llamazares propón acabar col «llimbu xurídicu» de la Casa Real
24/01/2012 - Les empreses siguen ensin usar el catalán a pesar de la llei
Esta web cuenta con una subvención de la Conseyería de Cultura y Deporte del Principáu d'Asturies
© Selmanariu LES NOTICIES y PUBLICACIONES ÁMBITU
Cai San Xuan 5, 3u derecha - 33003 - Uviéu
Tel. 985 204 601 - Fax. 985 221 537
Avisu Llegal -
Creitos -
Móvil
