Economía

Papandreu compara la situación económica de Grecia con un estáu de guerra

REDACCIÓN. UVIÉU - 13/09/2011 A LES 10:59:48

Filippos Sachinidis, secretariu d'Estáu de Finances de Grecia, afirmó que’l país namás tien liquidez pa pagar salarios públicos y pensiones hasta’l mes d'ochobre. Otra manera, Yorgos Papandreu, primer ministru, comparó la situación del so país con un estáu de guerra.

Según el secretariu de Finances, l'Executivu tien marxe de maniobra hasta ochobre. La situación económica tan delicada de Grecia viose agravada cuando los unviaos de la Comisión Europea, el Bancu Central Européu y el Fondu Monetariu Internacional suspendieron en septiembre la misión n’Atenes y el desembolsu del siguiente tramu d'ayuda financiera por importe d'unos 8.000 millones d'euros.

Otra manera, pa cumplir coles esixencies de los acreedores internacionales, l'Executivu griegu decidió esti domingu 11, nuna xunta estraordinaria, iguar un impuestu nuevu sobre toles propiedaes inmobilaries, colo qu'esperen recaudar 2.000 millones d'euros.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam