Economía

National Express apoya una ampliación de capital col votu en contra de los Cosmen

27/11/2009 a les 16:00:00

National Express aprobó güei nuna xunta estraordinaria d’accionistes la so ampliación de capital, que yá anunciaren, por un total de 360 millones de llibres (unos 395 millones d’euros), anque tuvo’l votu en contra de la familia Cosmen, primer accionista del grupu británico de tresportes con un 19,7 por cientu del so capital.

La familia asturiana va decidir agora si va a l’ampliación «depués d’analizar qué ye lo que más favores a los nuestros intereses», según informaron fontes de la familia.

Depués de l’asamblea, los Cosmen reiteraron el so «compromisu a llargu plazu» con National Express y la so voluntá de «trabayar estrechamente col conseyu de la empresa pa contribuir a amenorar los sos resultaos y resolver les dificultaes qu’afronta a curtiu y mediu plazu».

Los Cosmen yá rechazaren l’ampliación de capital nel conseyu d’alminitración de la empresa, que ta presente n’España al traviés d’Alsa y Continental Auto.

Según la opinión de los Cosmen, qu’hai un mes retiraron una ufierta de compra que formularan sobre’l cien por cien de National Express, la compañía necesita una estratexa a llargu plazu más alló d’una ampliación de capital.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam