Votos: 1

• 1
• 2
• 3
• 4
• 5

Muerre Miguel Delibes, l’últimu gran novelista español

L’escritor Miguel Delibes morrió nel amanecerín del 12 de marzu en Valladolid a los 89 años, dexando detrás d’él la estela d’una obra fecunda, ética y universal en más de mediu centenar de llibros onde conxugó l’afán estéticu con una preocupación fonda pola naturaleza y los seres oprimíos, a los que tantes veces-yos emprestó la voz.

Acérrime defensor de la llibertá d’espresión, que trató d’enanchar cuándo como informador, cuándo como narrador, Miguel Delibes (Valladolid, 1920) foi un escritor de vocación seronda curtida nel periodismu y madurecida cola lliteratura.

Esta obra en xunto asitió a Delibes nel cumal de la narrativa española de la segunda metá del sieglu XX, y qu’universalizó dende lo local, dende la Castiella onde siempre vivió, qu’anduvo como escritor y cazador, y que convirtió nel principal escenariu de los sos rellatos.

Mui bien dellos títulos, ente los que rescamplen El camino (1950), Las ratas (1962) y El disputado voto del señor Cayo (1978), remiten a una Castiella real, ayena a la idílica visión noventayochista, que contribuyó a desmitificar al presentar, nuna constante elexía narrativa, como un territoriu habitáu por seres desamparaos, oprimíos y ensin futuru.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam