Actualidá

EE UU ta molestu cola publicación de documentos relativos a la guerra d'Afganistán

27/07/2010 a les 11:05:22

Los documentos secretos que tres periódicos de relevancia internacional dieron a conocer, muestren les acciones secretes n'Afganistán pa la caza d'insurxentes, fracasos aéreos, y trespasos d'información ente l'ISI (serviciu secretu paquistanín) y los talibán. Nellos destaca amás l'aumentu de muertes civiles non reconocíes hasta agora polos EE UU.

Anque los tres diarios publicaron el conteníu depués de que vieron que nun había nada de carácter militar delicáu, la Casa Blanca condenó que se sacara la información y dixo tar molestu porque nengún de los tres periódicos se punxera en contactu con ellos. Robert Gibbs, portavoz de la Casa Blanca, diz que «pon en peligru la vida de norteamericanos y los sos aliaos» y que ta investigándose l'orixe de les filtraciones. Tamién recalcó que'l motivu de la guerra con Afaganistán foron los socesos del 11-S y que los fechos documentaos son del mandatu de George Bush.

Pel so llau, el Gobiernu de Paquistán desmintió que'l so serviciu secretu tuviera nada que ver coles reuniones pa planificar ataques contra la OTAN, a las que se fai referencia nos escritos. El portal Wikileaks, que desclasifica información mundial xubida polos propios usuarios, remitió a The New York Times, The Guardian y Der Spiegel 90.000 documentos fechaos ente 2004 y 2009. Sicasí, según los periodistes que los analizaron, «ye un archivu incompletu de guerra», porque falta lo clasificao como altu secretu y dellos episodios esenciales.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam