Les Noticies.com. Diariu dixital. 10-03-2010
Mercedes Álvarez participa en Roncesvalles na inauguración oficial del Xacobéu
Fecha: 09/02/2010 a les 12:52:53La conseyera de Cultura y Turismu, Mercedes Álvarez, va tar presente güei na inauguración oficial del Añu Xacobéu, que van presidir los Príncipes d’Asturies en Roncesvalles y Xaca. A estos actos tamién van asistir la Ministra de Cultura, Ángeles González-Sinde, y representantes institucionales y eclesiásticos de toles autonomíes vinculaes al Camín de Santiago, ente ellos l’Arzobispu d’Uviéu Jesús Sanz.
La xornada va vertebrase en dos partes: la primera, na mañana, va tener como escenariu la Colexata de Roncesvalles; y la segunda, de parte tarde, que se va desenvolver na ciudá aragonesa de Xaca, pa sorrayar la importancia del «otru» ramal de la ruta xacobea, el camín aragonés. Nestos actos van participar gobiernos de les ocho comunidaes autónomes peles que va’l Camín de Santiago: Aragón, Asturies, Cantabria, Castiella y Llión, Galicia, La Rioxa, Navarra y País Vascu.
El Gobiernu asturianu presentó apocayá un plan d’actuaciones bien ambiciosu pa sorrayar la importancia del Camín de Santiago per Asturies na celebración del presente Añu Santu Xacobéu. Esti programa, qu’inclúi inversiones superiores a 3,5 millones d’euros, busca protexer, rehabilitar y promocionar al máximu los itinerarios de pelegrinaxe asturianos, que pasen per 34 conceyos, a lo llargo de 562 quilómetros, pa convertilos, según informaron fontes de la Conseyería, en «referentes de primer orde nel escenariu cultural y turísticu».
11/02/2010 - Arias-Cachero: «Cesar al Ferreiro foi una indignidá»
17/02/2010 - «Cantar de la redención», de Dixebra, reconocida como Meyor Canción n’Asturianu nos Premios de la Música
08/02/2010 - LESNOTICIES.COM estrena'l videoclip de Dixebra «Blancos andantes»
12/02/2010 - LESNOTICIES.COM estrena una serie documental sobre la vida d'Anita Sirgo
21/02/2010 - Espectáculu y bona música na gala del Meyor Cantar
RSS Lesnoticies.com
Apúntate en Facebook
Semeyes en Flickr
