Asturies

Medioambiente da'l preste a la cementera de Tudela Veguín pa quemar más residuos

07/03/2010 a les 16:00:00

El conseyeru de Medioambiente, Franciso González Buendía, aseguró qu’en cuantes el Gobiernu tenga garantíes plenes de que se respeten los criterios medioambientaales qu’esixe la Unión Europea, va dar el preste a Tudela Veguín pa xubir el volume de residuos que quema la cementera.

Esta foi la respuesta del Executivu a la intención de Tudela Veguín de multiplicar por cinco la cantidá de basura qu’usa nos fornos.

Según Buendía, el Gobiernu asturianu taría encantáu de que la cementera fora un complementu a Serín nel tratamientu de los residuos. Al mesmu tiempu, el responsable de Medioambiente –y presidente de Coxersa– esplicó que los técnicos de l’Alministración tán trabayando pa comprobar si la empresa «cumple la normativa de filtros». Si nun s’atopa nenguna irregularidá «nun va haber incoveniente nengún», señaló Buendía.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam