Cultura

El 19 de marzu va crease la Rede Ibérica de la Mázcara

25/02/2011 a les 09:53:05

Prodestur, asociación portuguesa pal desenvolvimientu del turismu ibéricu, invita a tolos colectivos asturianos rellacionaos cola mazcarada a integrar la Rede Ibérica de la Mázcara, una plataforma que va constituíse en Zamora'l 19 de marzu.

D'esta manera, la Rede Ibérica de la Mázcara va permitir a los miembros de les organizaciones rellacionaes coles mázcaraes ibériques tradicionales conocese y compartir conocimientos y información, conocer los problemes colos que s'atopa cada asociación y buscar, en conxuntu, una solución. Asina lo anunciaba'l 24 de febreru Hélder Ferreira, presidente de la entidá cultural portuguesa, que ta de visita per Asturies y que, amás, va participar nes IV Xornaes de la Mázcara d'Iviernu que se celebren los díes 25, 26 y 27 de febreru en Valdesoto, organizaes pola Asociación pola Recuperación de los Sidros y les Comedies El Cencerru. Amás de los grupos asturianos, van ser invitaos los colectivos de dellos sitios de la Península Ibérica onde inda se faen estos rituales.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam