Actualidá

Martxelo Otamendi, director de «Berria», fala en Cambalache sobre'l procesu d'«Egunkaria»

25/02/2010 a les 14:29:11

Esti vienres 26 de febreru, el local Cambalache acueye una charla de Martxelo Otamendi, director del periódicu vascu Berria y antiguu director del clausuráu Egunkaria. L'actu va ser a les 20 hores na sé de l'asociación, en La Cuesta la Noceda, 30, d'Uviéu.

El periodista va falar sobre'l xuiciu al que sometieron a la dirección d'esti diariu en llingua vasca –clausuráu nel 2003–, que se ta desenvolviendo na Audiencia Nacional, depués de que los acusaren de tener vínculos con ETA. Sicasí, hasta'l momentu nun foron quien a atopar nenguna prueba d'eses supuestes vinculaciones y son bien de voces les que piden l'absolución de les persones encausaes.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam