Llingua

Manuel García «Galano», presenta esta tarde el so últimu llibru nel Festival Intercéltico d'Occidente

17/08/2010 a les 18:32:10

En Tapia entama esta tarde'l Festival Intercéltico d'Occidente. La so décimocuarta edición va a abrir a les 7 de la tarde col mercáu medieval y la esposición de ropa antigüa. Y va a continuar col segundu Culturlingua, la estaya del festival dedicada a la llingua eonaviega. Nesti primer día, Manuel García Galano presenta a les 19.30, el so últimu llibru na Casa de Cultura. Faraguyas ye un llibru de rellatos que como otros suyos –Erguendo el telón, Mareaxes tapiegos o Vento de outono–, ta escritu en gallego-asturiano. L'enfotu de los sos escritos ye precisamente trabayar pa que nun se pierdan les palabres d'enantes y a fala llegue intacta a les nueves xeneraciones.

La presentación del octoxenariu pero vital profesor va a ser a cargu de los filólogos Ignacio Vares y José Antonio Fernández Vior. Y tras la intervención de Galano, va a ser el filólogu Xosé Miguel Suárez quien presente la so investigación publicada col títulu El teatro aldeano da biblioteca popular circulante de Castripol. Esti autor de Mántaras (Tapia) tien asoleyaos varios llibros d'investigación sobre'l gallego-asturiano, delles traducciones d'obres gallegues, pero tamién ye un poeta que paga la pena conocer.

Amás d'estos alderiques, hasta les 10 de la nueche va a tar abiertu'l mercáu medieval con más de 30 puestos. Y nos baxos del institutu Marqués de Casariego ta espuesta l'amuesa «Polisones y Miriñaques, un viaxe a la moda de los siglos XIX y XX» y nuna sala una amuesa de gaites del mundu. Tamién va a haber actuaciones musicales de les bandes de gaites que participen nesta edición dedicada a Escocia y conciertos como'l de The Brian Finnegan Band.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam