Asturies

Los sindicatos piden la dimisión de Riopedre pola so incapacidá pa negociar

22/02/2010 a les 19:21:17

Les organizaciones sindicales Otecas, USO, FSIE, CC OO y FETE-UXT, representatives de la Enseñanza Concertada d'Asturies, esixen la dimisión inmediata del conseyeru d'Educación y Ciencia, José Luis Iglesias Riopedre, pola so incapacidá manifiesta y falta de voluntá negociadora.

Los sindicatos caltienen la segunda xornada de fuelga nos Centros Concertaos pal próximu miércoles día 24, porque consideren que la xunta que tuvieron col conseyeru foi una prueba más de l'actitú de menospreciu de l'Alministración educativa contra'l conxuntu de trabayadores de la Enseñanza Concertada.

Nesa xunta, según los sindicatos, el conseyeru nun dio respuesta a nenguna de les sos reivindicaciones y dixo que nun podía cumplir lo que prometiera pa esti añu no que tien que ver colos cuadros de personal.

  Facer un comentariu

Dexa'l to comentariu nesta noticia. Habrá publicase desque pase una revisión. Lesnoticies.com acuta pa ella'l derechu d'eliminar o modificar los comentarios que contengan llinguaxe inapropiáu, spam o otres conductes que nun sían les propies d'una comunidá civilizada. Si'l to comentariu nun aparez, pue ser que nun pasara'l filtru de la revisión.

  El to nome El to e-mail El to comentariu
Códigu antispam